മാഞ്ചസ്റ്റർ: കേരള കാത്തലിക് അസ്സോസിയേഷൻഓഫ് മാഞ്ചസ്റ്ററിന്റെ സായാഹ്ന കൂട്ടായ്മക്ക് തുടക്കമായി. മലയാളം ക്ലാസ്സും വ്യക്തിത്വ വികസന പരിശീലന സെമിനാറുകളും ,ഗെയിമുകളുമായി എല്ലാ ശനിയാഴ്ചകളിലും വൈകുന്നേരം 5 മുതൽ 6.30 വരെയാണ് സൗഹൃദ കൂട്ടായ്മ നടക്കുക . സെന്റ്‌ മാർട്ടിൻസ് ഹാളിൽ ചേർന്ന ആദ്യ കൂട്ടായ്മയിൽ അസ്സോസിയേഷൻ മുതിർന്ന അംഗം ടോമി തെനയാൻ ഉത്ഘാടനം നിർവ്വഹിച്ചതോടെ സൗഹൃദ കൂട്ടായ്മക്ക് തുടക്കമായി.
മലയാളം ക്ലാസ്സുകൾ , ക്രിയേറ്റീവ് റൈറ്റിംഗ് , ചിത്ര രചന പരിശീലനം വിവിധതരം ഗെയിമുകൾ , സ്ത്രീകൾക്ക് റിലാക്സേഷൻ ക്ലാസ്സുകൾ തുടങ്ങി പുരുഷന്മാർക്കും ഒട്ടേറെ പരിപാടികൾ ക്രമീകരിച്ചിട്ടുണ്ട് . തിരക്കേറിയ പ്രവാസ ജീവിതത്തിൽ അൽപനേരം സല്ലപിക്കുന്നതിനും , അറിവുകൾ പങ്കു വച്ച് കുടുംബ ബന്ധങ്ങൾ ദൃഡമാക്കുന്നതിനുമായിട്ടാണ് സായാഹ്ന കൂട്ടായ്മക്ക് തുടക്കം കുറിച്ചതെന്ന് അസ്സോസിയേഷൻ പ്രസിഡന്റ്‌ ബിജു ആന്റണി അറിയിച്ചു.
അസ്സോസിയേഷന്റെ മന്തിലി ഇ - മാഗസീനായ Kcam വോയിസിലെക്ക് കൃതികളും ആശംസകളും അയക്കുവാൻ താല്പര്യം ഉള്ളവർ info@kcam.co.uk എന്ന ഇ മെയിൽ വിലാസത്തിൽ അയക്കണമെന്ന് ഭാരവാഹികൾ അറിയിച്ചു. അസ്സോസിയേഷന്റെ ഈസ്റ്റർ ആഘോഷം ഏപ്രിൽ പതിനൊന്നാം തീയതി ശനിയാഴ്ച ടിബർലി മെതോഡിസ്റ്റ് ചർച്ച് ഹാളിൽ വച്ച് നടക്കുമെന്നും ഭാരവാഹികൾ അറിയിച്ചു.
കൂടുതൽ വിവരങ്ങൾക്ക് അസ്സോസിയേഷൻ എക്സിക്ക്യൂട്ടീവ് കമ്മിറ്റിയുമായി ബന്ധപ്പെടണം
